Неквалитетни искуства при јадење предизвикуваат рестораните да изгубат клиенти, според истражувањето направено од страна на P & G Professional.

Анкетата на 2.000 потрошувачи во ресторани открива дека речиси една четвртина (23%) го напуштиле ресторанот без да го завршат својот оброк.

Хигиената и чистотата се од витално значење со оглед на фактот дека 90% од анкетираните веруваат дека добрите хигиенски стандарди укажуваат на реномиран ресторан.

Всушност, 85% укажуваат дека чистотата е исто толку важна колку и вкусот и квалитетот на состојките што се користат во храната.

Дваесет и девет отсто од анкетираните, исто така, изјавија дека тие имаат објавено негативни коментари онлајн критикувајќи го прашањето на чистота, а речиси две третини рекоа само еден нечист простор во даден објект е доволен за да ги направи сомнителни околу целокупните хигиенските стандарди.

Грег Елмор, портпарол на P & G Professional, изјави: “Има малку работи што не одвраќаат од храната побрзо од нечистотија, дамките и лошите мириси во место во кое ние се обидуваме да јадеме.

“Професионалното ниво на хигиена и чистота треба да биде во првите редови на приоритетите на секој сопственик на ресторан и член на ресторанскиот персонал во земјата, но, врз основа на овие резултати, сметаме дека ова е малку веројатно ова да е случајот”.

Препораките исто така се важен фактор, со оглед на тоа што 56% одлучуваат каде сакаат да јадат врз основа на препораките на пријателите и семејството.

Јасмин Биртлс, експертка во економија и бизнис коментатор, изјави: “Бизнисите мора да работат понапорно за да докажат дека ги заслужуваат парите на гостите од кога било досега.

“Не е секогаш она што е на менито што не убедува да останеме. Чистотата и хигиената можат да направат целосна разлика.

“Осигурувајќи се секоја област во претпријатијата, особено тоалетот, е беспрекорен, помага да се изгради доверба кај клиентите и да се воспостави однос- значи дека има поголема веројатност гостите да се вратат.

“Инвестирањето во чистење е инвестиција во растот на бизнисот”.

А. Накова